Qaraǵandyda kásipkerler úshin sýdyń tarıfi tómendetiledi
ASTANA. QazAqparat - Qaraǵandyda 2018-shi jyldyń qańtarynan bastap kásipkerler úshin sýdyń tarıfi 320 teńgeden 248 teńgege deıin tómendetiledi.
Bul týraly ınvestıtsııalar jáne orta jáne shaǵyn bıznesti damytý suraqtary boıynsha oblys ákiminiń orynbasary Almas Aıdarov málimdedi, dep habarlaıdy karaganda-region.gov.kz .
- Shaǵyn jáne orta bıznes sýbektileri úshin sýmen qamtamasyz etý qyzmetiniń tarıfterin saralaý boıynsha ózgerister engizildi, - dedi Almas Aıdarov. - Qujatqa qol qoıyldy. Endi 2018-shi jyldyń qańtarynan bastap olar úshin tarıf 248 teńgeni quraıdy. Bul baǵyttaǵy jumystar áli de jalǵasady.
Otyrysqa qatysqan kásipkerlerdi sonymen qatar elektr energııasynyń tarıfin tómendetý máselesi de qyzyqtyrdy.
"Ótken kezdesýlerdiń birinde biz bul suraqty qoıǵan bolatynbyz, - dedi kásipkerlerdiń biri oblys ákimi Erlan Qoshanovqa. - Sol kezde ol máseleni siz Energetıka jáne turǵyn úı -kommýnaldyq sharýashylyq basqarmasyna jibergen bolatynsyz. Alaıda barlyǵy ázirge tek sóz júzinde ǵana qaldy. Bul máseleni qalaıda qujat túrinde tirkeý, mysaly memorandýmǵa qol qoıý múmkin bola ma?".
Oblys ákimi bul máseleni qarastyrýǵa ýáde berdi. Kelesi joly kásipkerlik máseleleri boıynsha komıssııa otyrysynda olardy sheshý joldary talqylanady.
