Qaraǵandyda kásipker jalǵan shot-faktýralar jazyp bergen

qARAǴANDY. QazAqparat - Qarjy monıtorıngi agenttigi Qaraǵandy oblysy boıynsha departamenti jumystardy naqty oryndamaı, qyzmet kórsetpeı jáne taýarlardy tıep-jóneltpeı shot-faktýralardy jazyp berý faktisi boıynsha sotqa deıingi is júrgizýdi aıaqtady, dep habarlaıdy QazAqparat.

«Halyq tutynatyn taýarlardy satýmen aınalysatyn jeke kásip ıesi óz atynan «TehnologııaGorMash» jáne «TD SnabServıs» JShS atyna 2019 jyldyń sáýiri men 2020 jyldyń qarasha aıy aralyǵynda taý-ken-shahta jabdyqtaryna arnalǵan qosalqy bólshekterge shot-faktýralar jazǵany anyqtaldy. Biraq is júzinde bul taýarlardyń jetkizýshileri bolmaǵan.

Qylmystyq áreketterdiń nátıjesinde memleketke jalpy somasy 109 mln teńgege jýyq iri zalal keltirildi», - dep jazdy departamentten.

Sot úkimimen kásipker kináli dep tanylyp, oǵan kommertsııalyq uıymdarda ákimshilik-ókimdik fýnktsııalarmen baılanysty laýazymdardy 5 jyl merzimge atqarý quqyǵynan aıyra otyryp, 3,5 jyl merzimge shartty túrde bas bostandyǵynan aıyrý túrindegi jaza taǵaıyndaldy.