Qaraǵandyda qarjy pıramıdasy negizin qalaýshyny qamaýda ustaý merzimi uzartyldy
QARAǴANDY. QazAqparat - Qaraǵandyda birneshe mıllıon qarjy aınalymymen qarjy pıramıdasyn qurý týraly atyshýly is boıynsha alaıaqtyqtyq negizin qalaǵan kúdiktini qamaýda ustaý merzimi uzartyldy, dep habarlaıdy «QazAqparat» HAA tilshisi.
«Tergeýshi ótinishi qanaǵattandyryldy. Tergeý organy zańmen belgilengen merzimde jumystaryn aıaqtap úlgermegendikten, «qamaýda ustaý» bultartpaý sharasy 15 mamyrǵa deıin uzartyldy», - dep habarlady Oktıabr aýdany sotynyń keńsesinen.
Qarjy pıramıdasy týraly is boıynsha jeti adam kúdikti dep tanyldy.
Shamamen 800-ge jýyq salymshy alaıaqtyq qurbany bolǵan. Materıaldyq shyǵyn somasy eki mıllıard teńgege baǵalandy. Tergeýshiler Optovka attty qarjy pıramıdasynyń tikeleı uıymdastyrýshysy kásipker Elena Kolesnıkova ekenin anyqtady.
Aýdıtorlyq tekserýdiń resmı tujyrymdamasyna sáıkes, shyǵyn somasy 1 mıllıard 900 mıllıon teńgeni qurady. Kúdikti Kolesnıkova tergeýde óz kinásin moıyndaǵan joq. Ol adal nıetpen jumys istegenin, klınıngtik jáne qurylys kompanııalarynyń ıesi bolǵanyn aıtýda. Kúdiktiniń salyq zańnamasyn buzǵany da anyqtaldy. Salyq tólenbeı, bereshek jınala bergen. Onyń halyqtan jınaǵan barlyq aqshasy qazynalyq apparattardan ótpegen.
