Qaraǵandyda qarýly topty ustaý kezinde polıtsııa jaraqat aldy

QARAǴANDY. QazAqparat - 23 qyrkúıek kúni saǵat 11.30 shamasynda Qaraǵandy qalasynda belgisiz bireýler qarý qoldanyp, jergilikti turǵynnyń ómirine qasaqana qastandyq jasaǵan, dep habarlaıdy QazAqparat ІІM áleýmettik jelidegi paraqshasyna silteme jasap.

Qaskóıler oqıǵa orynynan avtokólikpen izderin jasyrǵan. Kúdiktilerdiń biri ózderiniń izine túsken polıtsııa qyzmetkerlerine qarý qoldanyp, qashyp ketpekshi bolǵan. Ony ustaý barysynda jedel ýákildiń biri jaralandy.

Atalǵan derek polıtsııada tirkelip, oqıǵanyń mán-jaıy anyqtalýda. Qazirgi ýaqytta oqıǵaǵa qatysy bar ózge de tulǵalardy anyqtaý boıynsha jedel is-sharalar atqarylýda.