Qaraǵandyda «QARLAG Arhıpelag» kórmesi ashyldy
- Bul kórmeni beıneleý óneri murajaıy men «QARLAG: Bolashaq úshin umytylmas» ǵylymı-zertteý ortalyǵynyń birlesip uıymdastyrdy. Ortalyq «Bolashaq» akademııasynda 10 jyldan astam ýaqyt boıy zań ǵylymdarynyń doktory, professor Nurlan Dýlatbekovtyń basshylyǵymen jumys jasaýda. Ol osy kórmeniń avtory jáne qurýshysy bolyp tabylady, - dedi «Bolashaq» akademııasynyń birinshi prorektory Gúlnár Rysmaǵambetova.
Ekspozıtsııa - Almagúl Meńlibaeva, Aınur Sádenova, Syrlybek Bekbotaev esimdi sýretshilerdiń jáne «QARLAG: Bolashaq úshin umytylmas» zertteý ortalyǵynyń úsh jyldyq zertteý jumystarynyń nátıjesi.
Joba jetekshisi, elimizdiń qazirgi zamanǵy óneriniń jarqyn ókilderiniń biri Almagúl Meńlibaevanynyń tanymal jumystarynyń biri - Dolınkada ornalasqan Karlag murajaıy týraly beıne-ınstallıatsııa.
Kórmede beıneleý nysandary, ınstallıatsııalar, beıne-art jáne kontseptýaldy fotosýretter keltirilgen. 10 jyl ishinde «QARLAG: Bolashaq úshin umytylmas» ǵylymı-zertteý ortalyǵy 34 kitap basyp shyǵarǵan, olardy eksponattar arasynan kórýge bolady.
Kórmede Syrlybek Bekbotaevtyń «Qyzyl Fıltr» fotosýretter toptamasy usynylyp otyr, ol - «Alash» partııasynyń HH ǵasyrdyń 37 jyldary qýǵyndalǵan músheleriniń tarıhı portretteri. Qýǵynǵa ushyraǵan patrıottardy taný barysynda sýretshi ótken kúndermen baılanysty qalpyna keltirýge jáne ol baılanysty eshqashan úzbeýge, qýǵynǵa túsken adamdar tarıhyn urpaqtan-urpaqqa jetkizip otyrýǵa shaqyrady.
- Munda qyzyl tús bekerden tańdalǵan joq. Bul kommýnızmniń belgisi bir sýretten ekinshisine aýysyp otyrady, osylaısha keıipkerlerdi biregeı tarıhı kontekstke biriktiredi, - deıdi sýretshi.
Kórmede usynylatyn kórsetilimderdiń eń irisine jatatyny - «Syldyrmaq», qazaq besiginiń úlkeıtilgen nusqasy. Bosap qalǵan jáne barlyǵyn bir ýaqytta syıdyryp alýǵa daıyn turǵan besik týǵan jer tynyshtyǵy men qorǵanysynyń kepili, sımvoly ispettes. Besik Aınur Sádenovanyń «Analar zıraty» dep atalatyn jumysymen úndesedi.
«QARLAG Arhıpelag» jobasy - Qazaqstandyq lagerlerdiń tutqyndaryna degen qurmet jáne bastan ótkergen antıgýmanızmdi uǵyný.
Kórme 10 qarashaǵa deıin Qaraǵandy oblystyq beıneleý óneri murajaıynda, Buqar Jyraý dańǵyly, 76 mekenjaıy boıynsha ótedi.