Qaraǵandyda káriz qudyǵynan qutqarylǵan eki adam aýrýhanada qaıtys boldy
QARAǴANDY. QazAqparat – Qaraǵandyda káriz qudyǵyna qulap, qutqarýshylar alyp shyqqan eki er adam jansaqtaý bóliminde kóz jumdy, dep habarlaıdy QazAqparat tilshisi.
Káriz qudyǵynan shyǵarylǵan eki er adam Maqajanov atyndaǵy oblystyq travmatologııa jáne ortopedııa ortalyǵynyń jansaqtaý bóliminde kóz jumdy.
«Júrgizilgen reanımatsııalyq is-sharalarǵa qaramastan, zardap shekkenderdiń ekeýin de qutqarý múmkin bolmady»,-dep túsindirdi Qaraǵandy oblysy densaýlyq saqtaý basqarmasynyń baspasóz qyzmeti.
Aýrýhanaǵa er adamdar kloach gazymen (kúkirtsýtek jáne ammıak) ýlaný dıagnozymen jetkizilgen edi.
Eske sala keteıik, keshe túnde 59 jastaǵy qaraǵandylyq káriz júıesin tazartpaq bolyp, sol qudyqqa qulap ketken bolatyn. Ony qutqarý úshin qudyqqa uly men kórshisi túsken. Alaıda, olar óz kúshimen káriz aǵynynan shyǵa almady. Nátıjesinde úsh er adamdy Qaraǵandy oblysy TJD qyzmetkerleri alyp shyqty. Úı ıesiniń uly oqıǵa ornynda jan tapsyrdy.
