Qaraǵandyda qarbyz, órik, qaraórikte nıtrattar normadan joǵary ekeni anyqtaldy
QARAǴANDY. QazAqparat - Qaraǵandyda «Temirlan» bazarynda qoǵamdyq densaýlyqty saqtaý basqarmasynyń qyzmetkerleri kókónister men jemisterde nıtrattar normadan joǵary ekenin anyqtady, dep habarlady «QazAqparat» HAA tilshisi.
Qaraǵandy oblysy Oktıabr aýdany qoǵamdyq densaýlyq saqtaý basqarmasynyń mamandary «Ulttyq saraptaý ortalyǵy» respýblıkalyq memlekettik kásiporny fılıalynyń mamandarymen birlesip «Qaýipsiz ónimdi tańda» aktsııasyn ótkizdi.
«Satyp alýshylarǵa satyp alǵan ónimderiniń mıkrobıologııalyq kórsetkishke tekserip, ónimde qansha nıtrat baryn bilýdi usyndy. Barlyǵy 55 synama tekserildi. Qarbyz, órik, lımondarda selıtra kóp ekeni anyqtaldy. Qarbyzda 62 mg/kg jáne 72 mg/kg qalypty kezde 60 mg/kg. Órikte - 80 mg/kg qalypty kezde 60 mg/kg. Qaraórikte - 69 mg/kg, 72 mg/kg, 77 mg/kg qalypty kezde 60 mg/kg. Lımonda 63 mg/kg qalypty kezde 60 mg/kg», - dep habarlady basqarmanyń taǵam bóliminde.
«Temirlan» bazarynyń dırektoryna aýmaqqa sapaǵa sáıkes kelmeıtin taǵam ónimderin satýǵa jol bermeý usynyldy.
