Qaraǵandyda karaoke-klýb kúzetshisi eki táýlikke qamaýǵa alyndy
QARAǴANDY. QazAqparat – Qaraǵandyda polıtsııa qyzmetkerlerine qarsylyq kórsetken karaoke klýbtyń kúzetshisi eki táýlikke qamaýǵa alyndy, dep habarlaıdy QazAqparat Polisia.kz-ke silteme jasap.
28 qarasha kúni Qaraǵandy qalasynda «Quqyqtyq tártip» jedel-profılaktıkalyq is-sharasy barysynda polıtsııanyń Ońtústik-Shyǵys bóliminiń qyzmetkerleri saǵat 23:15-te karantın rejıminiń shekteý sharalaryn buzǵan karaoke klýbyn anyqtady.
Kóńil kóterý ornyn tekserý kezinde 26 jastaǵy kúzetshi polıtsııa qyzmetkerleriniń zańdy talaptaryna baǵynbaǵan. Atalǵan fakti boıynsha QR ÁQBtK-niń 667-baby 1-tarmaǵy negizinde («Quqyq qorǵaý organy qyzmetkeriniń zańdy ókimine nemese talabyna baǵynbaý») ákimshilik hattama toltyryldy. Jınalǵan materıal sottyń qaraýyna jiberildi.
3 jeltoqsan kúni Qaraǵandynyń mamandandyrylǵan ákimshilik sotynyń qaýlysymen tártip buzýshy eki táýlikke qamaýǵa alý túrinde ákimshilik jazaǵa tartyldy.
