Qaraǵandyda karantınge qaramastan oıyn-saýyq mekemeleri jumys istep kelgen
QARAǴANDY. QazAqparat - Qaraǵandy oblysynyń óńirlik jedel shtabynyń jedel áreket etý ortalyǵy 17 shilde kúni Qazybek bı atyndaǵy aýdanda bıznes nysandarynyń karantın rejımin saqtaýyn tekserý boıynsha reıdter ótkizdi, dep habarlaıdy QazAqparat Qaraǵandy oblysy ákimdiginiń resmı saıtyna silteme jasap.
Reıd barysynda saǵat 22.00-den keıin jumys isteıtin kafeler mobıldi toptyń erekshe baqylaýynda boldy.
Sondaı-aq, kalıan klýbtary, barlar, saýnalar, tehnıkalyq qyzmet beketteri tekserildi.
Tekserý barysynda belgili bolǵanyndaı, jekelegen kásipkerler karantındik talaptardy elemeıdi jáne 22.00-den keıin jumys isteıdi.
Reıd kezinde syıym salynǵanyna qaramastan, kalıan «Hookah House» ashyq boldy, túngi ýaqytta «Han» saýna, «Ajýr», «Azııa», «Nell' s After work bar» kafeleri, «Sálem» azyq-túlik dúkeni (Erjanov k-si, 39/2) jáne TQS (Asfaltnaıa k-si, 26) jumys istedi.
Endi atalǵan bıznes nysandarynyń basshylaryna 640 myń teńge (230 AEK) kóleminde aıyppul salynady.
Polıtsııa qyzmetkerleri karantınniń talaptaryn kóbine kóńil kóterý oryndary elemeıtinin atap ótti.
