Qaraǵandyda karantın jarııalaýǵa negiz joq - densaýlyq saqtaý basqarmasy
«Ókinishke qaraı, bizdiń oblysta koronavırýs ınfektsııasyn juqtyrýdyń alǵashqy eki oqıǵasy anyqtaldy. Ekeýi de shetelden kelgen. Vırýs Mınsk-Nur-Sultan reısimen kelgen ushaq jolaýshylarynan tabyldy. 18 naýryzda bort elordanyń karantınge jabylýyna baılanysty Qaraǵandy qalasyndaǵy áýejaıǵa qondy. Bul kúni Nur-Sultanǵa 3 halyqaralyq bort keldi. Jolaýshylardy qarsy alý kezinde barlyq qajetti qaýipsizdik sharalary saqtalǵan. Qalada karantın jarııalaýǵa negiz joq», - deıdi Qaraǵandy oblysy densaýlyq saqtaý basqarmasynyń basshysy Erjan Nurlybaev.
Jolaýshylardyń kezdesýi sanıtarlyq-epıdemıologııalyq sharalardy qatań saqtaý jaǵdaıynda ótkizildi. Olardy tasymaldaýǵa arnalǵan avtobýs ushaq baspaldaǵynan kútip aldy. Osylaısha jolaýshylar áýejaı ǵımaratyna kirgen joq. Azamattar avtobýsta tekserildi.
Qarap bolǵannan keıin barlyq jolaýshy avtobýspen uıymdasqan túrde karantındik gospıtalǵa jetkizildi, bul rette koronavırýs aýrýshańdyǵy joǵary elderden kelgen adamdar patsıentterdiń jalpy tobynan bólingen bolatyn.
Búgingi kúni karantınde 109 adam táýlik boıy baqylaýda. Olar 1A sanatyndaǵy elderden kelgen (Italııa, Frantsııa, Ispanııa, Iran, Germanııa) nemese shartty túrde juqtyrǵan tulǵalarmen baılanysta bolǵan. Onyń ishinde juqpaly boksta 17 adam bar. Úı karantıninde - 21 adam, medıtsınalyq baqylaýda - 336 adam, dıstantsııalyq monıtorıngte 275 adam tirkelgen.