Qaraǵandyda karantın kezinde jumys istegen kompıýter klýby anyqtaldy
QARAǴANDY. QazAqparat - Ereje buzý faktileri epıdjaǵdaıdy qadaǵalaý úshin qurylǵan arnaıy mobıldi toptardyń jasaǵan reıdi barysynda anyqtaldy, dep habarlaıdy QazAqparat tilshisi.
Mobıldi toptardyń jumysyn úılestirýdi óńirlik jedel shtabtyń jedel áreket etý ortalyǵy júrgizedi.
Mysaly, tártip buzýshylar arasynda Qaraǵandynyń tanymal kompıýter klýbynyń biri boldy. Mekemeniń esikteri klıentter úshin ashyq bolǵan. Bul mekeme karantın kezeńinde kompıýterlik jáne karaoke klýbtarynyń qyzmetine tyıym salynǵanyna qaramastan jumys istep turǵan. Bólmede 70-ke jýyq adam, onyń ishinde kámeletke tolmaǵan balalar bolǵan.
Klýb basshylyǵy shamamen 640 myń teńge (230 AEK) kóleminde aıyppul tóleýi múmkin. Kelýshilerdi jaýapkershilikke tartpaıdy.
SEQ ókilderi karantın kezinde qyzmetine tyıym salynǵan oıyn-saýyq oryndary men túrli klýbtarǵa barǵanda jastar óz densaýlyǵyna ǵana emes, jaqyndarynyń densaýlyǵyna da qaýip tóndiretinin eske salady.
