Qaraǵandyda qaraqshylyqqa aıyptaý boıynsha qylmystyq is alqabılerdiń qatysýymen qaralady
QARAǴANDY. QazAqparat - Qaraǵandyda aýyr qylmys jasaýǵa aıyptalýshy qylmystyq isti alqabılerdiń qatysýymen qaraýdy talap etti. Bul týraly qylmystyq ister jónindegi mamandandyrylǵan aýdanaralyq sotynyń baspasóz qyzmeti habarlady.
«Qaraǵandy oblysynyń qylmystyq ister jónindegi mamandandyrylǵan aýdanaralyq soty Qazaqstan Respýblıkasy QK-niń 192-baby 2-bóligi 4-tarmaǵy (qaraqshylyq), 287-baby 3-bóligi (qarýdy, oq-dárilerdi, jarylǵysh zattardy jáne jarylys qurylǵylaryn zańsyz ıemdený, berý, ótkizý, saqtaý, tasymaldaý nemese alyp júrý), 99-baby 2-bóligi «1, 8» tarmaǵy (óltirý), 202-baby 2-bóligi «1, 5» tarmaǵy (bótenniń múlkin qasaqana joıý nemese búldirý) boıynsha aıyptalǵan azamat T.-ǵa qatysty qylmystyq is qaralyp jatyr. Aıyptalýshy qylmystyq isti alqabıler otyrysynda qaraýdy talap etti», - delingen habarlamada.
Aıyptaý nusqasy boıynsha, er adam asa iri kólemde dostaryna jáne tanystaryna karyzdar bolǵan soń oq atatyn qarýmen qaraqshylyq shabýyl jasaǵan. Eki adamdy atyp, 180 myń teńge aqshasyn ıemdengen. Olardyń denelerine benzın quıyp órtep jibergen.
