Qaraǵandyda Qańtar oqıǵasynda qaza tapqan sarbazdardyń týystaryna syılyqtar tabystaldy

QARAǴANDY. QazAqparat - Jańa jyl qarsańynda Qaraǵandy garnızonynda Іshki ister mınıstri polıtsııa general-polkovnıgi Marat Ahmetjanovtyń atynan Qańtar oqıǵasy kezinde erlikpen qaza tapqan sarbazdar Aıbat Amanov pen Madııar Qaısarovtyń ata-analaryna syılyqtar tabystaldy, dep habarlaıdy QazAqparat tilshisi.

Vedomstvo basshysy men sondaı-aq Іshki ister mınıstriniń orynbasary-Ulttyq ulan Bas qolbasshysy general-maıor Erkin Botaqanovtyń atynan quttyqtaý hattary men syılyqtaryn Madııar Qaısarovtyń ata-anasyna Ulttyq Ulannyń «Ortalyq» óńirlik qolbasshylyǵynyń tárbıe jáne áleýmettik-quqyqtyq jumys basqarmasynyń bastyǵy polkovnık Serikbol Adenqulov tabys etti.

«Al Jańa Arqa kentinde turatyn marqum Aıbat Amanovtyń ata-anasyna 6505 áskerı bólimi komandıriniń tárbıe jáne áleýmettik-quqyqtyq jumys jónindegi orynbasary podpolkovnık Arman Seıitov tabys etti.

Ofıtserler qaza tapqan sarbazdardyń ata-analaryna naǵyz erliktiń úlgisi bola bilgen balalardy tárbıelegenderi úshin alǵys aıtyp, olardy kele jatqan Jańa 2023 jylmen quttyqtady», - dep habarlady QR Ulttyq ulanynyń «Ortalyq»

ÓńQ baspasóz qyzmeti.

Esterińizge sala keteıik, Aıbat Amanov pen Madııar Qaısarov Qańtar oqıǵasy kezinde Taldyqorǵan jáne Qyzylorda qalalarynda terrorızmge qarsy operatsııany oryndaý kezinde qaıǵyly jaǵdaıda qaza tapqan bolatyn. Qazaqstan Respýblıkasy Prezıdentiniń Jarlyǵymen qyzmettik boryshyn oryndaý kezindegi erligi men janqııarlyǵy úshin olar qaıtys bolǵannan keıin III dárejeli «Aıbyn» ordenderimen marapattaldy.

Foto: QR Ulttyq ulanynyń «Ortalyq» ÓńQ baspasóz qyzmeti