Qaraǵandyda qańǵybas ata-analar nárestesinen aıyrylyp qaldy
QARAǴANDY. QazAqparat - Qaraǵandyda tártip saqshylary qaraýsyz qalǵan saıajaıda turatyn qańǵybas ata-analardan týǵanyna 17 kún bolǵan náresteni alyp qoıdy.
«Men kezekshilikte boldym. Jańa Maıqudyq aýmaǵyndaǵy Oktıabr aýdanynda ornalasqan saıajaıda mas juptyń janynda jas náreste jatqany týraly habarlama tústi. Ótip bara jatqan adamdardyń biri maǵan qońyraý shalyp, náresteniń toqtaýsyz jylap jatqanyn jáne oǵan sýyq tıip qalýy múmkin ekenin aıtty», dedi kámelettik jasqa tolmaǵandar isi boıynsha ınspektor Medet Kenbaev.
Polıtseı oqıǵa ornyna jetip, aqparattyń jalǵan emes ekenine kózi jetti.
«Jaǵdaı adam shoshyrlyq, vagonnyń ishi sýyq, óte las. Qańǵybas ata-analar mas kúıinde uıyqtap jatyr. Áıeldiń jasy 29-da, er adamnyń jasy - 50-de», - dep túsindirdi ınspektor.
Ol balany ózimen alyp ketip, «Shapaǵat» balabaqshasyna jetkizdi. Tıisti organ tekserý júrgizip, onyń nátıjesi boıynsha maskúnemderdi ata-ana quqyǵynan aıyrý sheshimin shyǵarady.
