Qaraǵandyda KamAZ júrgizýshisi velosıped mingen 8 jasar qyzdy qaǵyp ketti
QARAǴANDY. QazAqparat - Qaraǵandy-Temirtaý tasjolynda «KamAZ» júrgizýshisi tyıym salynǵan jerde velosıped teýip bara jatqan segiz jasar qyzdy qaǵyp ketip, mert qyldy, dep habarlaıdy «QazAqparat» HAA tilshisi.
Qaraǵandy oblystyq ishki ister departamenti baspasóz qyzmetiniń basshysy Baqytjan Qudııarovtyń habarlaýynsha, oqıǵa Temirtaýdyń syrt jaǵynda, 15-magıstralda bolǵan. Búldirshin qyz tyıym salynǵan jerde joldyń ústimen ketip bara jatady. Onyń baǵytymen kele jatqan «KamAZ» júrgizýshisi qyzdy qaǵyp ketip, mert qyldy.
«Qyz tyıym salynǵan jerde joldy kesip ótip bara jatqan. Kólikti 47 jastaǵy er adam júrgizgen. Atalmysh fakti boıynsha QR QK 345-baby 3-tarmaǵy «Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzý» boıynsha sotqa deıingi tergeý jumystary bastaldy»»,-dedi baspasóz qyzmetiniń basshysy.
