Qaraǵandyda qamaýǵa alynǵan azamat óz-ózine qol jumsady
QARAǴANDY. QazAqparat – Qaraǵandyda ýaqytsha ustaý ızolıatorynda qamaýda bolǵan azamattyń sýıtsıd jasaýyna qatysty tergeý júrgizilýde, dep habarlaıdy QazAqparat tilshisi.
15 qyrkúıek kúni Abaı aýdany polıtsııa basqarmasynyń Topar polıtsııa bóliminiń ýaqytsha ustaý ızolıatorynda azamattyń máıiti tabyldy. Ol QR QK 106-baby 3 bólimi boıynsha «Abaısyzda jábirlenýshiniń ólimine ákep soqqan densaýlyqqa qasaqana aýyr zııan keltirý» degen kúdikpen ustalǵan bolatyn.
«Oqıǵanyń bolǵanyn rastaımyz. Tergeý amaldary bastaldy», - dedi Qaraǵandy oblysy Polıtsııa departamentiniń baspasóz qyzmeti.
Sondaı-aq, atalǵan faktige qatysty qyzmettik tekseris jumystary júrgizilýde.
