Qaraǵandyda qalanyń káriz júıesinen shyqqan jaǵymsyz ıis turǵyndardy alańdatyp otyr
QARAǴANDY. QazAqparat - Qaraǵandyda qalanyń káriz júıesinen shyqqan jaǵymsyz ıis turǵyndardyń narazylyǵyn týdyrdy, dep habarlaıdy QazAqparat ekaraganda.kz saıtyna silteme jasap.
Aqparat agenttigi taratqan málimetterge qaraǵanda, redaktsııaǵa 15 shaǵyn aýdan turǵyny Ekaterına Mýrýnova shaǵym aıtyp, sońǵy jyldary káriz júıesiniń jaǵymsyz ıisimen tynystaýlaryna týra kelgendigin jetkizgen.
«Sasyq ıistiń saldarynan qazir qalada tynys alý múmkin bolmaı barady. Biz tipti terezeni ashyp jeldetýdi de qoıdyq»,-deıdi Ekaterına Mýrýnova.
«Bizdiń úıimizdiń aınalasynan ortalyq káriz júıesi ótedi. Onda qaldyqtar kelip quıylatyn qudyqtar ornalasqan. «Qaraǵandy sý» JShS ókilderi ıis shyǵatyn jerlerdi betondady da jóndeý jumystaryn da júrgizdi. Biraq odan esh nátıje shyqpady. Iis áli shyǵyp tur, ol tipti 16 shaǵyn aýdanǵa jetken kezdiń ózinde múńkip tur. «Barys» turǵyn úı kommýnaldyq sharýshylyq qyzmetiniń tóraǵasy óziniń barlyq quzyrly organdarda bolyp qaıtqandyǵyn, alaıda ony esh jerde qabyldamaıtynyn aıtty. Biz endi kimge baryp, muńymyzdy shaǵarymyzdy bilmeı otyrmyz. Al munda ómir súrý endi múmkin emes»,-deıdi turǵyn.
«Qaraǵandy Sý» JShS-nyń ókilderi 15 shaǵyn aýdandaǵy № 16 úı janynan ótetin káriz kollektoryna tekserý júrgizildi»,-dep habarlady uıymnyń baspasóz qyzmeti.
Baspasóz málimetterine qaraǵanda, kollektor durys jumys istep tur. Kollektordaǵy qudyqtardyń qaqpaqtary aýystyryldy.
