Qaraǵandyda qalalyq «Jasyl el» jastar eńbek jasaqtarynyń kezekti maýsymy ashyldy
Ashylý saltanatyna jastar arasynda tanymal, áleýmettik jelilerde belsendi, jankúıer kózaıymyna arnalǵan ánshiler arnaıy shaqyryldy. Іs-sharada aldaǵy eńbek maýsymyna arnalǵan jyly tilekter aıtyldy, jastardyń kóńilin kóterý maqsatynda qyzyqty oıyndar uıymdastyryldy. «Jasyl el» jastar eńbek jasaqtarynyń basty maqsaty – elimizdiń ekologııalyq tazalyǵyna nazar aýdarý, jastardy tárbıelik maqsatta eńbekke baýlý, sonymen birge, olardyń ózdigimen qarajat taýyp, otbasyna qolǵabys tıgizýine múmkindik berý.
Qaladaǵy jastardyń eńbek jasaqtarynyń qataryna qosylýǵa qyzyǵýshylyǵy joǵary bolǵandyqtan, osy jyly «Jasyl el» qataryn 1000 adamǵa toltyrý josparlandy. Qabyldaý basymdyǵy halyqtyń áleýmettik osal toptarynyń jastaryna beriledi. Sarbazdar saıabaqtar jáne gúlzarlardy abattandyrý men kógaldandyrý jumystaryn atqarady, berilgen aýmaqty qoqystardan tazartady, jańa dostar tabady, qoǵammen ári tabıǵatpen baılanysyn kúsheıtedi. Bizdiń qorshaǵan ortamyz erteńgi bolashaq urpaǵymyzǵa qaldyratyn úlken mura bolǵandyqtan, jastar eńbek jasaqtary qoǵamnyń damýyna ózderiniń zor úlesterin tıgizýde.
Baǵdarlamaǵa qatysýshylardyń jalaqysy da jyl saıyn artyp keledi. Osy jyly jastar eńbek jasaqtarynyń jalaqysy 14 jastan 16 jasqa deıingi jasóspirimder úshin 70 000 teńge, al 16 jastan asqan jastar úshin 105 000 teńgeni quraıdy. «Jasyl el» qataryndaǵy sarbazdardyń barlyǵy jańa, ári sapaly biryńǵaı arnaıy kıimmen qamtamasyz etiledi. Qaraǵandy qalasynyń «Jasyl el» JEJ sarbazdary tek jumys jasap qana qoımaıdy, olar úshin mádenıet, sport, bilim salasyna baılanysty, oı óristerin damytý men kóńildi ýaqyt ótkizý úshin ártúrli merekelik is - sharalar, trenıngter men chellendjder, ekologııalyq aktsııalar uıymdastyrylady. Jumys ýaqyty aptanyń bes jumys kúnin quraı otyra, bir aıǵa sozylady. Sonymen birge, «Jasyl el» JEJ-ǵa qatysý úderisterin edáýir jeńildetý maqsatynda «Jasyl el Qaragandy» tsıfrlyq aqparattyq júıesi iske qosyldy. Aqparattyq júıe qaladaǵy jobaǵa qyzyǵýshylyq tanytqan jastardyń jumys isteý barysy úshin qolaıly jaǵdaı jasaıdy.
«Jasyl el» sarbazy bolý – elimizdiń ekologııalyq ahýalyna jaqsy jaǵynan áser etýshi tulǵa retinde damýdy kózdeıtin, ári mektep pen oqý ornynan tys ýaqytyn tıimdi ótkizgisi keletin jastar úshin úlken múmkindikterdiń biri.
