Qaraǵandyda qala ákiminiń burynǵy orynbasaryna qatysty sot úkimi shyqty
Búgin Qazybek bı aýdandyq sotynyń sýdıasy Saıan Aqqojın Qaraǵandy ákiminiń burynǵy orynbasary Jaqsylyq Shalabekov pen beznesmen Ermek Qasenovtyń qylmystyq isi boıynsha úkim shyǵardy. Sottalýshylar eki kópqabatty úı salýǵa arnalǵan 120 mln teńge kóleminde bıýdjet qarajatyn jymqyrǵany úshin aıyptaldy.
Prokýrorlardyń aıtýynsha, 2017 jyldyń qyrkúıeginde kezekte turǵandar úshin turǵyn úı salýmen aınalysqan Ermek Qasenov Jaqsylyq Shalabekovke bıýdjet qarajatyn jymqyrý shemasyn usynǵan. Atalmysh shemaǵa sáıkes, ol memlekettik satyp alý týraly shart boıynsha avanstardy aýdarý týraly qujattarǵa qol qoıýy tıis bolatyn. Sol kezde Shalabekov qurylys bóliminiń basshysy bolǵan. Jáne ol osy zańsyz operatsııaǵa barýǵa kelismin bergen.
Sot sottalýshylardyń is-áreketterin qaıta saralady, sebebi sot otyrysy barysynda bıýdjet qarajatyn jymqyrý faktisi rastalmady.
«Shalabekov pen Qasenov, sondaı-aq basqa da tulǵalar arasyndaǵy 120 mıllıon teńge jymqyrý jáne ıemdený jolymen aldyn ala sóz baılasý faktisi sot tergeýi barysynda óziniń rastaýyn tappady. Aıyptaý boljamdarǵa negizdelgen, al sotqa deıingi tergep-tekserý kezindegi óreskel is júrgizý buzýshylyqtaryna baılanysty aıyptaýdyń negizgi dáleldemelerin sot jol berýge bolmaıdy dep tanyǵan. Sondyqtan sot sottalýshylarǵa qatysty aıyptaýdy qaıta baǵalady», - dedi sýdıa Saıan Aqqojın.
QR QK 190-baby 4-bóliginiń 2-tarmaǵy (Alaıaqtyq) boıynsha aıyp taǵylǵan «Qazmegastroı» JShS dırektory Ermek Qasenov bes jylǵa shartty túrde bas bostandyǵynan aıyryldy.
Sotta Jaqsylyq Shalabekov pen Ermek Qasenov kinásin moıyndamady. Olardyń advokattary merdigerge avans berý memlekettik satyp alý týraly zańǵa qaıshy kelmeıtinin málimdedi.
Sot úkimi áli zańdy kúshine engen joq jáne joǵary turǵan sotqa shaǵymdanýǵa bolady.
Foto: exclusive.kz