Qaraǵandyda qaqaǵan sýyqta júk kóligi órtendi
ASTANA. QazAqparat - Qaraǵandy oblysynda júk kóligin qyzdyrmaq bolǵan kezde ol órtke orandy, dep habarlady QR ІІM Tótenshe jaǵdaılar komıtetiniń baspasóz qyzmeti.
«25 jeltoqsan kúni saǵat 13:18-de Qaraǵandydaǵy «Shyǵys» bazarynyń aýmaǵynda «MAN» markaly júk kóliginiń 8 sharshy metri órtendi. Órttiń saldarynan onyń qasynda turǵan «Volvo» jáne «Scania» markaly eki júk kóligi zaqymdandy. Jalyn saǵat 13:32-de aýyzdyqtalyp, 13:38-de tolyq sóndirildi. Kóliktiń júrgizýshisi kúıik shalyp, aýrýhanaǵa jetkizildi», - delingen habarlamada.
Aldyn ala nusqa boıynsha, órttiń shyǵýyna otyn bagyn dánekerleıtin lampamen qyzdyrý sebep bolǵan. Oqıǵa ornyna Qaraǵandy oblystyq TJD órt sóndirý qyzmetindegi jeke quramnyń 25 adamy men 5 tehnıka birligi shyqty.
