Qaraǵandyda iz-túzsiz joǵalyp ketken múgedektiń otbasy alaıaqtardyń qurbanyna aınaldy
QARAǴANDY. QazAqparat - Qaraǵandyda boran kezinde iz-túzsiz joǵalyp ketken múgedektiń týystary onyń mekenjaıy týraly kez kelgen aqparat úshin aqshalaı syıaqy jarııalady, dep habarlaıdy «QazAqparat» HAA tilshisi.
Habar-osharsyz ketken Amandyq Ákimjanovtyń ápkesi ony kórgen-bilgen jandardyń quqyq qorǵaý organdaryna habarlasýlaryn suraıdy. «Aǵama ne bolǵanyn aıtqan adamdarǵa alǵys aıtar edik. Onyń eki balasy telmirip kútip otyr», - deıdi Jazıra Ákimjanova.
Jazıranyń aıtýynsha, kórsetilgen nómirge birneshe ret alaıaqtar habarlasyp, aldaý arqyly birlikterin toltyrtqan. «Bizdiń qaıǵymyzdy paıdalanyp, uıaly telefondarynyń nómirine aqsha aýdarýdy suraǵandar boldy. Bir áıel qaıǵymyzǵa ortaq ekenin aıtyp, Amandyqtyń taǵdyryn karta arqyly bile alatyndyǵyna sendirdi. Biraq, onyń ótemi retinde uıaly telefonyna birlik salýdy ótindi. Men aqsha aýdardym, alaıda ol meniń qońyraýyma jaýap bermeı qoıdy. Al bir er kisi Amandyqtyń qaıda ekeninen habardar ekenin, biraq birliginiń az bolýyna baılanysty uzaq sóılese almaıtyndyǵyn málimdedi. Men ózim habarlasyp, áńgimemizdi jalǵastyratynymyzdy aıttym. Biraq, ol qazir sóılesýge múmkindigi joq ekenin jáne ózi qaıta habarlasatynyn baıandady. Men onyń nómirine aqsha saldym, biraq ol telefonyn múldem sóndirdi», - dedi Jazıra Ákimjanova.
