Qaraǵandyda iz-túzsiz joǵalǵan Belarýs azamatynyń denesi tabyldy
QARAǴANDY. QazAqparat - Qaraǵandy qalasynda izdeýde bolǵan Belarýs azamatynyń múrdesi tabyldy, dep habarlaıdy QazAqparat tilshisi.
Belarýs azamatyna izdeý jarııalanǵanyn buǵan deıin jazǵan bolatynbyz.
39 jastaǵy Igor Kojýrov 28 naýryzda Olımpııskaıa kóshesindegi úıden shyǵyp ketip, sol kúıi oralmaǵan. Onyń tanystary polıtsııaǵa ótinish berip, sol arqyly izdeý júrgizgen.
12 sáýir kúni tańerteń Qaraǵandynyń shetindegi úı qurylysy kombınatynyń aýmaǵynan jergilikti turǵyndardyń biri Belarýs azamatynyń óli denesin taýyp alǵan.
«Joǵalyp ketken Belarýs azamatynyń máıiti daladan tabyldy. Shetel azamatynda dene jaraqattary bolmaǵan. Júrgizilgen sot-medıtsınalyq saraptamanyń qorytyndysy boıynsha Igor Kojýrov úsip kóz jumǵan», - dep málimdedi oblystyq ІІD baspasóz hatshysy Baqytjan Qudııarov.
Araılym SATYBALDYQYZY
