Qaraǵandyda isin jańa bastaǵan kásipkerlerge oblys ákiminiń granttary tabystaldy

QARAǴANDY. QazAqparat – Qaraǵandy qalasynyń ákimdiginde 21 jas kásipkerge oblys basshysynyń granttary tabystaldy. Olardyń árqaısysynyń somasy mıllıon teńge, dep habarlaıdy QazAqparat tilshisi.

Aqsha sertıfıkatynyń ıegeri Nurǵazy Almazbek qum aǵyndy apparattyń kómegimen metaldy lastanýdan tazartýǵa nıetti. Tehnıkany kástrólderdi,

qazandardy jáne basqa ydystardy tazartý úshin de qoldanýǵa bolady.

«Qum búrikkish ony qatty lastanǵan metaldardy boıaýdan jáne t.b. tazartý úshin paıdalanady. Kástrólder men qazandardy tazartý úshin de qoldanylady. Olar

tazaryp, jańa sııaqty bolady. Men ózim Qaraǵandy quıý mashına jasaý zaýytynda jumys isteımin, bizde óndiriste osyndaı apparat bar. Sondyqtan men ony satyp alýǵa jáne óz isimdi ashýǵa sheshim qabyldadym. Jabdyq 1 mıllıon 200 myń teńge turady. Mobıldi qyzmet qurýdy josparlap otyrmyn, ıaǵnı osy apparatpen aýdandar men qalalarǵa baryp, qyzmet kórsetetin bolamyz», – deıdi grant ıegeri Nurǵazy Almazbek.

Esterińizge sala keteıik, bıyl granttardy taǵaıyndaý konkýrsyna 306 bıznes-ıdeıa kelip tústi. Komıssııanyń sheshimi boıynsha 59 qaladan jáne 41 aýdannan neǵurlym áleýetti degen 100 joba aıqyndaldy.