Qaraǵandyda ishki ister organdaryna 135 jyldyq tarıhy bar qarý tapsyryldy
ASTANA. QazAqparat - Qaraǵandy qalasynyń turǵyny polıtsııaǵa 135 jyldyq tarıhy bar ańshy myltyǵyn tapsyrdy, dep habarlaıdy QazAqparat oblystyq ІІD silteme jasap.
Qarý tapsyrý aktsııasynyń aıasynda 40 jastaǵy qala turǵyny 20 kalıbrlik jalǵyz uńǵyly «Berdan» ańshy myltyǵy atasynan qalǵanyn aıtqan. 1884 jyly shyǵarylǵan myltyqtar júıesi el arasynda «berdanka» atalady.
135 jyl ótse de qarý konstrýktsııasy sol qalpynda saqtalǵan, alaıda atýǵa jaramsyz. Myltyqtyń súbesi men dúmi tolyqtaı alma aǵashynan jasalǵan. Ótkizilgen jádigerdi polıtseıler mýzeıge tapsyramyz dep otyr. 
«Berdankany» óken ǵasyrdaǵy azamat soǵysy men І jáne ІІ dúnıejúzlik soǵystarǵa jaıaý áskerdiń atqyshtar bólimi qoldanǵanyn aıta ketý kerek.
