Qaraǵandyda iship alyp kólik júrgizgen ákim ustaldy
QARAǴANDY. QazAqparat - Mas kúıde kólik júrgizgeni úshin Aqtoǵaı aýdanyndaǵy Kejek aýyldyq okrýginiń ákimi qatań tártiptik jaýapkershilikke tartyldy, dep habarlaıdy «QazAqparat» HAA tilshisi.
Sheneýnik Meıirhan Mákenbaev ishimdik iship alyp óziniń qyzmettik «Nıva» kóliginiń rýline otyrǵan. Ony jol polıtsııasy Aqtoǵaı aýdanyndaǵy Jalańash aýylynyń janynda toqtatady.
Tártip buzýshylyq jaǵdaıynyń qalaı bolǵanyn ádep jónindegi keńes otyrysynda Memlekettik qyzmet isteri jáne sybaılas jemqorlyqqa qarsy is-qımyl departamentiniń bas mamany Dáýren Orazbaev aıtyp berdi. Onyń sózinshe, sheneýnikte júrgizý kýáligi de bolmaǵan, arnaıy saraptama onyń ishkenin kórsetken.
«Kejek aýyldyq okrýginiń ákimine qatysty materıal Ádep keńesiniń qaraýyna jiberildi», - dedi Dáýren Orazbaev.
Ádep keńesiniń músheleri áriptesteriniń bul áreketin aıpytady. Keńes tóraǵasy Jandos Sársenov keńes múshelerimen birlese otyryp, aýyl ákimin qatań tártiptik jaýapkershilikke tartý týraly sheshim qabyldady.
