Qaraǵandyda iri azyq-túlik logıstıkalyq ortalyǵy salynady
ASTANA. QazAqparat - Qaraǵandyda 20 gektardan astam aýmaqqa azyq-túlik kóterme-úlestirý logıstıkalyq ortalyǵy salynady. Jer telimi eski áýejaı aýmaǵynan bólindi. Qurylys jumystary bastaldy. Búgin Qaraǵandy oblysynyń ákimi Erlan Qoshanovtyń qastysýymen jobany bastaý saltanaty ótti, dep habarlaıdy óńirlik ákimdiktiń baspasóz qyzmeti.
«Elbasynyń agrarlyq sektordy ekonomıkany damytýdyń jańa draıveri etý týraly tapsyrmasy bar. Búgingi tańda biz kóterme-úlestirý logıstıkalyq ortalyǵynyń qurylysyn bastadyq. Bul bizdiń oblysymyzǵa óte mańyzdy jáne qajet nysan. Eń bastysy - bul barlyq halyq úshin azyq-túlik baǵasyn tómendetýge kómektesedi», - dedi Erlan Qoshanov qurylys alańynda estelik kapsýlasyn salý saltanatynda.
Jobany iske asyrý 2017 jyldan 2019 jalǵa deıin eki kezeńge bólingen. Birinshi kezeńniń quny 10,5 mlrd. teńgeni quraıdy. Onyń ishine kóterme- azyq-túlik ortalyǵynyń, qoımalardyń, kókónis saqtaý oryndarynyń kedendik rásimdeý aýmaǵynyń qurylysy kiredi. Kóterme-logıstıkalyq ortalyqtyń qýattylyǵy taýarlardy júkteý - júk túsirý jáne júkti óndeý boıynsha jylyna 350 myń tonnadan asady.
Joba ınvestory - tanymal qaraǵandylyq kásipker Anvar Osın. Ortalyqtyń qurylysyna kompanııa menshikti jáne qaryzǵa alynǵan qarajatyn salady. «Bıznestiń jol kartasy - 2020» baǵdarlamasy boıynsha bul jobaǵa qoldaý kórsetiledi. Memlekettik qarajat esebinen qajetti ınfraqurylym salynyp, temir jol toraby ótkiziledi dep josparlanýda.
«Kóterme-úlestirý logıstıkalyq ortalyǵy aımaǵymyzdy jáne elimizdi azyq-túlikpen qamtý maqsatynda salynǵaly jatyr. Keleshekte kórshiles elderge de taratylatyn bolady. Munda jergilikti aýyl sharýashylyq ónimderin óndiretinder óz ónimderin deldalsyz ótkize alady. Olarǵa 2500 saýda oryndary beriledi. Kóterme saýdamen qatar demalys kúnderi bólshek saýda da uıymdastyrylatyn bolady, - deıdi «Alfarýh» JShS qarjylyq dırektory Tamır Daýtov. - Oblysymyzda ósirilgen kókónisterdi jáne aýyl sharýashylyq kooperatıvterinen kelgen mal ónimderin saqtaý qarastyrylady».
Ortalyq 2018 jyldyq úshinshi toqsanynda iske qosylady dep josparlanýda.
