Qaraǵandyda INTIZAR CUP ІІ halyqaralyq arab bıi óneriniń festıvali ótedi
ASTANA. QazAqparat - 7-9 jeltoqsanda Qaraǵandyda INTIZAR CUP ІІ halyqaralyq arab bıi óneriniń festıvali ótedi, dep habarlaıdy oblystyq ákimdiktiń baspasóz qyzmeti.
Festıval sheńberinde, sondaı-aq, sheberlik synyptary da uıymdastyrylady. Aqtyq saıysta laýreattardyń, shaqyrtylǵan juldyzdar men qazaqstandyq oryndaýshylardyń, túrli baıqaýlardyń júldegerleri jáne jeńimpazdarynyń qatysýymen gala-kontsert ótedi.
Baıqaýǵa 4 jastan joǵary balalar, sondaı-aq eresek oryndaýshylar qatysa alady. Qatysýǵa ótinishter 1-shi jeltoqsanǵa deıin qabyldanady.
- Ótken jyly biz "INTIZAR CUP" festıval-baıqaýyn alǵash ret ótkizdik. Óte qatty tolǵanys boldy, alaıda barlyǵy tamasha ótti. Shet eldik qonaqtar da, qatysýshylar da sharaǵa kóńilderi toldy, - deıdi festıval uıymdastyrýshysy Aleksandra Pak. - Endi baıqaý dástúrli bolady jáne jyl saıyn uıymdastyrylatyn bolady. Osy jyly biz Reseı men Ýkraınadan qonaqtardy, sondaı-aq bizdiń qazaqstandyq arab bıiniń kásibı bıshilerin shaqyrdyq. Sondaı-aq festıval sheńberinde óte qyzyqty jáne paıdaly sheberlik synyptary ótetinin atap ótkim keledi.
Festıvalge qatysý úshin uıymdastyrý komıtetine intizarcup@mail.ru elektrondyq poshtasyna 1-shi jeltoqsannan keshiktirmeı ótinim jiberý qajet. Tirkelý týraly barlyq aqparatty vse.kz saıtynan bilýge bolady. Anyqtama telefondary: 8-702-955-22-83.
Sheberlik synyptaryn arnaıy shaqyrtylǵan qonaqtar men baıqaýdyń bas tóreshileri ótkizedi:
Elena Bashakova (Reseı)- 2014 jylǵy Ýkraına chempıony, IDF nusqasynyń eki dárejesi boıynsha 2014 jylǵy álem chempıony, Raks of course kaırlyq festıvaldiń fınalısi 2014-2015 jj (Mysyr, Kaır), kásibıler Lıgasynyń nusqasy boıynsha 2015 jylǵy Ýkraına chempıony, "New York Cairo Festival" Tájiniń ıegeri 2015 (AQSh, Nıý-Iork), «Egipto en Barcelona 2016» halyqaralyq festıvaliniń jeńimpazy (Ispanııa, Barselona), "Budapest Cairo Festival" Tájiniń ıegeri 2016 (Vengrııa, Býdapesht), "Nile Group" tájiniń ıegeri 2016 (Kaır, Mysyr), "Live Arabesque" tájiniń ıegeri 2016 (Dýbaı, BAÁ), sondaı-aq 'Randa Of Course" Randa tájiniń ıegeri 2017 (Kaır, Mysyr).
ıÝlııa Torgonskaıa (Ýkraına) - Ýkraınanyń tanymal horegorafy jáne pedagogi. «Isadora Cup» halyqaralyq festıvalin uıymdastyrýshy jáne «Isadora dance Academy» stýdııasynyń jetekshisi. Kóptegen halyqaralyq festıvalderdiń jeńimpazy, 2012 Kaırda ótken Randa Kamal tájiniń ıegeri, «Orient Addicts» halyqaralyq festıvaliniń jeńimpazy 2013 (Polsha), «Bellyfusion» halyqaralyq festıvaliniń jeńimpazy 2012 (Italııa), sondaı-aq Búkilýkraındyq túrli festıvalderdiń jeńimpazy. «Etna Bellydance Festival» (Italııa),» Summer Bellydance Festival» (Nıderlandy), «Yalla Raqs» (Italııa), «World Bellydance Convention» (Ońtústik Koreıa), «International Bellyfusion Festival» (Italııa), «Oriental Carnival» (Polsha) sekildi halyqaralyq festıvalderdiń oqytýshysy.
Evgenıı Strelnıkov (Rossııa) - tanymal reseılik mýltıperkýssıonıst, shyǵys yrǵaqtary salasyndaǵy sarapshy jáne trener. Shyǵys bılerine arnalǵan eki mýzyka albomdarynyń avtory. «Haııam» (Mysyr-Reseı) Taıaý Shyǵys mýzykasy ansambliniń resmı solo-barabanshysy. Kóptegen mýzykalyq jobalarǵa qatysýshy. Dúnıejúzi boıynsha áıgili keramıkalyq darbýka shyǵaratyn «Evgeny Percussion» tanymal brendiniń ıesi. Evgenıı dástúrli mýzykalyq aspaptardy, sondaı-aq zamanaýı tehnologııalardy.
