Qaraǵandyda ınternetsiz avtobýstarda jolaqyny qalaı tóleýge bolady
QARAǴANDY. QazAqparat – Qaraǵandyda turaqty ınternet baılanysy bolmaǵan kezde avtobýstarda jol júrý aqysyn kondýktorlarǵa qolma-qol aqshamen tóleýge bolady. Bul jaıly qala ákimdiginiń baspasóz qyzmeti málim etti, dep habarlaıdy QazAqparat tilshisi.
Internet júıesinde irkilister bolýy sebepti Qaraǵandy qalasynyń qoǵamdyq kólikterinde jol júrý aqysy qolma-qol aqsha tóleý arqyly júzege asyrylady.
- 6 myń teńgege satyp alǵan jalpy jol júrý bıletterin paıdalanýshylar ONAY! kartasyn sáıkestendirý úshin avtobýs kondýktoryna usyna otyryp, olardy paıdalana alady;
- jeńildikti sanattaǵy azamattar úshin ataýly áleýmettik karta usynylǵan jaǵdaıda tólem 0 teńgeni quraıdy;
- zeınetkerler ataýly kartalaryn usyna otyryp, 50 teńge tóleı alady;
- 7-15 jastaǵy balalar úshin tólem burynǵysynsha 40 teńge bolyp qalady;
- eresekter úshin – 80 teńge
ONAY! kartalarymen elektrondyq tólem júıesiniń jumysy turaqty ınternet baılanysy qalpyna keltirilgennen keıin jańartylady.
