Qaraǵandyda ıen daladan jas jigittiń denesi tabyldy
QARAǴANDY. QazAqparat – Qaraǵandyda qańqaǵa aınalǵan máıit tabyldy. Onyń janynda habar-osharsyz ketken jas jigittiń qujattary boldy, dep habarlaıdy QazAqparat tilshisi.
Qaraǵandy oblysy PD baspasóz qyzmetiniń habarlaýynsha, máıit Qaraǵandy mańynda dalada tabylǵan.
«Adamnyń qańqaly máıiti tabyldy. Múrdeniń janynda habar-osharsyz ketken adamnyń qujattary bolǵan. Qazirgi ýaqytta qajetti saraptamalar taǵaıyndaldy, onyń nátıjesi boıynsha protsessýaldyq sheshim qabyldanady», - dep habarlady Qaraǵandy oblysy PD baspasóz qyzmeti.
Belgili bolǵandaı, tabylǵan qujattar 2020 jyldyń 26 tamyzynda joǵalyp ketken 27 jastaǵy qaraǵandylyq jigitke tıesili bolǵan.
Tabylǵan máıit osy qujattardyń ıesi me, joq pa – ol tek saraptamadan keıin ǵana belgili bolady.
