Qaraǵandyda HQKO qyzmetkeri 8 mln teńgeni ıelenip ketken

QARAǴANDY. QazAqparat - Halyqqa qyzmet kórsetý ortalyǵynyń ınspektory qaraǵandylyqtarǵa tómen baǵada páter alýǵa kómektesetinin aıtyp, 8 mıllıon teńgeni ıelenip ketken, dep habarlaıdy «QazAqparat» HAA tilshisi.

Turǵyndar HQKO qyzmetkeriniń jaýapkershilikten qashyp, aqshany ıemdenip ketý úshin qasaqana ýaqytty sozyp júrgenin túsingen kezde, polıtsııaǵa shaǵym túsiredi.

Quqyq qorǵaý organdary oǵan alaıaqtyq jasady degen aıyp taqty.

«Sot Halyqqa qyzmet kórsetý ortalyǵynyń ınspektoryn alaıaqtyq jasaǵany úshin aıypty dep tanydy. HQKO qyzmetkeri óziniń kinásin jartylaı moıyndady, biraq zardap shegýshilerge keltirilgen zalaldy ótegen joq», - dep habarlady Qaraǵandy qalasy №2 Oktıabr aýdandyq sotynyń baspasóz qyzmeti.

Sot HQKO qyzmetkerine eki jyl bas bostandyǵynan aıyrý jazasyn taǵaıyndady.

Sottalýshynyń kámeletke tolmaǵan balalary qyzmetker kelinshektiń kúıeýiniń qamqorlyǵyna beriledi.