Qaraǵandyda HQKO ǵımaratyna «bomba» qoıylǵany habarlandy
QARAǴANDY. QazAqparat - Búgin tańerteń Qaraǵandynyń barlyq shuǵyl qyzmetteri Halyqqa qyzmet kqrsetý ortalyǵy (HQKO) ǵımaratynyń janyna jınaldy. Belgisiz bireý onda «bomba» qoıylǵanyn aıtqan, dep habarlaıdy QazAqparat tilshisi.
31 Naýryzda tańǵy saǵat 9.00-de 102 telefonyna HQKO ǵımaratyna jarylǵysh zat salynǵany týraly habarlama kelip tústi.
«Qaraǵandy oblysy polıtsııa departamentiniń jedel kezekshisi oqıǵa ornyna barlyq shuǵyl qyzmetterdi jiberdi. Ǵımarattan 31 adam evakýatsııalandy. Polıtsııa qyzmetkerleri ǵımaratty tekserdi. Jarylǵysh zat tabylǵan joq. Saǵat 10.05-te «toqtatý» komandasy berildi», - dep habarlady Qaraǵandy oblysy PD baspasóz qyzmeti.
Atalǵan fakti boıynsha QR QK 273-baby boıynsha sotqa deıingi tergeý bastaldy. Qazirgi ýaqytta polıtsııa qyzmetkerleri telefon shalǵan adamdy anyqtaý boıynsha jedel is-shara júrgizýde.
Esterińizge sala keteıik, mundaı jaǵdaı ońtústik astanada da bolǵan. Almatyda 7 ǵımaratta jarylys qurylǵylary ornatylǵany habarlandy.
Almaty qalasy polıtsııa departamenti olardyń úsheýin tekserip, aqparat rastalmady.
