Qaraǵandyda HHІ Abaı oqýlarynyń oblystyq kezeńi qorytyndylandy

QARAǴANDY. QazAqparat - Qaraǵandyda 8-11 (12) synyp oqýshylary arasynda HHІ Respýblıkalyq Abaı oqýlarynyń oblystyq kezeńiniń qorytyndysy jasaldy. Baıqaý ZOOM platformasynda qashyqtyqtan ótti, dep habarlaıdy QazAqparat óńir basshysynyń baspasóz qyzmetine silteme jasap.

«Saryarqa daryny» QBB RǴPO uıymdastyrǵan shara alty nomınatsııa:

- «Óleń - sózdiń patshasy, sóz sarasy» - Abaı jáne Shákárim shyǵarmalaryn mánerlep oqýshylar baıqaýy;

- «Kóńilim ándi uǵady» - Abaı jáne Shákárim ánderi men kúılerin oryndaýshylar saıysy;

- «Júırikten júırik ozar jarysqanda» - jas daryndar baıqaýy (óz shyǵarmalaryn oryndaý: óleń, án, mýzykalyq týyndylar).

- «Ulylar álemi» - Abaı jáne Shákárim shyǵarmashylyǵy týraly esse;

- «Abaıdyń qara sózderi» - «Abaıdyń qara sózderin» mánerlep oqýshylar baıqaýy.

- «Abaıdyń aqyn shákirtteriniń shyǵarmalary» - Shákárim Qudaıberdiuly, Aqylbaı Abaıuly, Maǵaýııa Abaıuly shyǵarmalaryn mánerlep oqýshylar saıysy boıynsha ótti.

Oblystyq týrǵa Nura, Qarqaraly, Osakarovka, Aqtoǵaı, Ulytaý aýdandarynan, sonymen birge Qaraǵandy, Balqash, Jezqazǵan, Sátbaev, Prıozersk, Shahtınsk jáne Saran qalalarynan kelgen 75 oqýshy qatysty.

Jeńimpazdar:

- «Óleń - sózdiń patshasy, sóz sarasy» nomınatsııasynda - Dılnaz Murat, №61 OBBM oqýshysy (Qaraǵandy);

- «Abaıdyń qara sózderi» - Álmuhanbet Botajan, №61 OBBM oqýshysy (Qaraǵandy);

- «Kóńilim ándi uǵady» - Gıýnel Shırınova, №38 gımnazııa oqýshysy (Qaraǵandy);

- «Abaıdyń aqyn shákirtteriniń shyǵarmalary» - Sanııa Aekına, Aqtoǵaı aýdanynyń Shashýbaı kentiniń MBK oqýshysy;

- «Júırikten júırik ozar jarysqanda» - Maǵjan Asqar, «Daryn» MMI oqýshysy (Qaraǵandy);

- «Ulylar álemi» - Aıym Amanjolova, Jambyl atyndaǵy MMI oqýshysy (Qaraǵandy).

Jeńimpazdar І, ІІ, ІІІ dárejeli dıplomdarmen jáne baǵaly syılyqtarmen marapattaldy. Birinshi oryn alǵandar 23-25 tamyzda baıqaýdyń respýblıkalyq kezeńinde oblys atynan shyǵady.