Qaraǵandyda «Halqymnyń qaıǵysy men qasireti esimde meniń» kórmesi ótip jatyr
ASTANA. QazAqparat - Qaraǵandy oblystyq tarıhı-ólketaný murajaıynda «Halqymnyń qaıǵysy men qasireti esimde meniń» atty kórme ashyldy, dep habarlaıdy óńir ákimdiginiń resmı saıty .
Dolınka kentiniń saıası qýǵyn-súrgin qurbandaryn eske alý murajaıynyń ekskýrsııalyq-buqaralyq bóliminiń jetekshisi Andreı Drebezgovtyń aıtýynsha, bul kórmede Karlagtyń tarıhy keltirilgen.
- Ekspozıtsııa qaraǵandylyq lagerlerdiń qurylýy týraly áńgimeleıdi. Úsh ekspozıtsııalyq bólimderde Qazaqstan aýmaǵyndaǵy saıası qýǵyn-súrgin týraly aqparattar keltirilgen. Bizdiń jádigerler, fotomaterıaldar men qujattar 1930-1950-shi jyldary oryn alǵan oqıǵalardyń barlyq qasiretin ashyp kórsetedi, - deıdi Andreı Drebezgov.
Jádigerler ártúrli taqyryptyq bólimderde usynylyp otyr: Qazaqstandaǵy asharshylyq, Qaraǵandy túzetý-eńbek lageri, tergeýshi kabınetiniń ınstallıatsııasy, Karlagtyń áıgili tutqyndary, Alash Orda, jer aýdarý, táýelsiz Qazaqstan jáne murajaı qyzmeti.
Dolınka kentindegi saıası qýǵyn-súrgin qurbandaryn eske alý murajaıy Prezıdenttiń tapsyrmasy boıynsha 2001-shi jyly qurylǵan bolatyn. 2011-shi jyly murajaıdyń keńeıtilgen ekspozıtsııasynyń tusaýkeseri ótti. Qyzmet etken aýqyt aralyǵynda murajaıǵa álemniń 56 elinen eki júz myńnan astam adam kelip ketken.
«Halqymnyń qaıǵysy men qasireti esimde meniń» kórmesi 22 tamyzǵa deıin Erýbaev k-si, 38 mekenjaıy boıynsha ornalasqan oblystyq tarıhı-ólketaný murajaıynda jalǵasady.
