Qaraǵandyda habar-osharsyz ketken eki bala aman-esen tabyldy
QARAǴANDY. QazAqparat - Qaraǵandyda biri tórt, biri on jastaǵy eki bala joǵalyp, bir táýlikten soń tabyldy, dep habarlaıdy QazAqparat tilshisi.
Polıtseılerdiń aıtýynsha, 6 qyrkúıek kúni Qaraǵandy qalasynyń ІІB Kırov polıtsııa bólimine 24 jastaǵy qala turǵyny habarlasyp, 4 jasar uly men týysynyń 10 jastaǵy qyzy joǵalǵanyn aıtqan.
Kırov PB qylmystyq polıtsııa qyzmetkerleriniń kúsh salýymen balalar bir kúnnen soń tabyldy.
«Balalar 7 qyrkúıek kúni 16:00-de Metallıster kóshesindegi «Molodejnoe» mádenıet úıiniń mańynan tabyldy. Olar klastas qyzymen oınap júrip, sonyń úıinde qonyp qalǵan», - deıdi vedomstvo ókilderi.
