Qaraǵandyda Golovkın – Mýrata jekpe-jegin úlken 5 ekrannan kórýge bolady

QARAǴANDY. QazAqparat – Senbi, 9 sáýir kúni Saıtamada (Japonııa) Saitama Super Arena-da IBF jáne IBO nusqalary boıynsha álem chempıony qazaqstandyq Gennadıı Golovkın men WBA sýper chempıony beldiginiń ıegeri japondyq Rıota Mýrata arasynda orta salmaqtaǵy biriktirýshi jekpe-jek ótedi.

Jekpe-jektiń translıatsııasyn Qaraǵandynyń bes úlken ekranynan saǵat 15:00-de kórýge bolady, dep habarlaıdy QazAqparat tilshisi.

Tikeleı kórsetilim Dostyq úıinde, Gennadıı Golovkın atyndaǵy dene shynyqtyrý-saýyqtyrý kesheninde, Jańa Maıqudyq mádenıet úıinde, Kenshiler mádenıet saraıy, City Mall-da uıymdastyrylady.

Qazaqstanda sporttyq shoýdy Kazsport jáne Qazaqstan telearnalary tikeleı efırde kórsetedi. Translıatsııa Nur-Sultan ýaqytymen 15:00-de bastalady.

Eske sala keteıik, Gennadıı Golovkın 2020 jyldyń jeltoqsan aıynda AQSh-ta polıak Kamıl Sheremetany nokaýtqa túsirip, 21-shi ret álem chempıony ataǵyn qorǵaǵannan beri rıngke shyqpaǵan edi. Rıota Mýrata 2019 jyldyń jeltoqsanynda kanadalyq Stıven Batlerge qarsy kúreste óz ataǵyn saqtap qaldy.

Aıta keteıik, búgin Memleket basshysy Qasym-Jomart Toqaev kásipqoı boksshy, álem chempıony Gennadıı Golovkındi týǵan kúnimen quttyqtap, jedelhat joldady.

Foto: twitter.com/GGGBoxing