Qaraǵandyda gaz jarylyp er adam kóz jumdy
QARAǴANDY. QazAqparat - Qaraǵandy qalasynyń ortalyǵynda gaz-aýa qospasy jarylyp, er adam qaza tapty, dep habarlaıdy QazAqparat tilshisi.
1 maýsym kúni saǵat 19:57-de Qaraǵandy qalasy Gogol kóshesindegi bes qabatty úıde gaz-aýa qospasy jarylǵan.
«Oqıǵadan 2 bólmeli páterdiń tirek konstrýktsııalary buzylmaǵan, biraq ishki bólikke zaqym kelgen. Oqıǵa ornynda er adamnyń máıiti tabyldy. Onyń jeke bas anyqtalýda», - dedi Qaraǵandy oblysy TJD baspasóz qyzmeti.
Úıden 10 adam evakýatsııalandy.
Oqıǵany tergeýmen polıtsııa organdary aınalysatyn bolady.
Qaraǵandy oblysynyń TJD gaz jabdyqtarynyń aldyn alý jáne jóndeý jumystaryn ýaqytyly júrgizý qajettigin eskertedi. Tek bilikti mamandarǵa habarlasý qajet. Aqaýy bar jabdyqty paıdalanýdyń sońy qaıǵyly jaǵdaıǵa ákelip soǵýy múmkin.
