Qaraǵandyda ǵaryshtyq baqylaý kómegimen 200-den astam zańsyz qoqys polıgony anyqtaldy
QARAǴANDY. QazAqparat – Bıylǵy jyly Qaraǵandyda ruqsat etilmegen 200-den astam qoqys orny anyqtaldy. Olardyń koordınattary ǵaryshtyq baqylaý kómegimen ornatyldy.
Birneshe jyl qatarynan «Qazaqstan Ǵarysh Sapary» ulttyq kompanııasy elimizdiń aımaqtaryndaǵy zańsyz úıindilerdi anyqtaý úshin ǵaryshtyq monıtorıng júrgizip keledi.
Tapsyrys berýshi – QR Ekologııa, geologııa jáne tabıǵı resýrstar mınıstrligi.
Qaraǵandy oblysynda 2018 jyldan bastap jerdi qashyqtyqtan zondtaýdyń, ruqsat etilmegen qoqys polıgondarynyń ornalasýyn ǵaryshtyq sýrettermen qamtamasyz etý týraly kelisimge qol qoıyldy.
Byltyrǵy ǵaryshtyq monıtorıng nátıjesi boıynsha oblysta myńnan astam stıhııalyq qoqys anyqtalyp, joıyldy.
«Bıyl monıtorıng Qaraǵandyda ótti. Qazirgi ýaqytta qalalar men aýdandardyń ákimdikteri qoqys polıgondaryn joıýǵa kiristi. Jaqyn ýaqytta Qarqaraly aýdanynyń aýmaǵyn qashyqtan zondtaý josparlanyp otyr», – dep habarlady Qaraǵandy oblysynyń ekologııa departamenti.
