Qaraǵandyda fın ádisimen bilim beretin 700 oryndyq mektep salynady
QARAǴANDY. QazAqparat – 2022 jyldyń kókteminde Qaraǵandyda 700 oqýshyǵa arnalǵan jeke zamanaýı mekteptiń qurylysyn bastaý josparlanyp otyr.
Jańa oqý orny «Taýgúl» shaǵyn aýdanynda salynady. Investor malaızııalyq kompanııa, dep habarlaıdy QazAqparat tilshisi
Qaraǵandy oblysynyń ákimi Jeńis Qasymbek pen Malaızııanyń Qazaqstandaǵy Tótenshe jáne Ókiletti Elshisi Data Saıed Mohamad Bakrı qurylystyń merzimderi men josparlaryn talqylady.
Bolashaq mektep nólden 11-shi synypqa deıingi oqýshylarǵa arnalǵan. Bilim oshaǵyna tómengi synyp oqýshylary men úlkenderge arnalǵan bólek korpýstar, úlken sport alańy salynady. Rekreatsııalyq aımaq oqý kesheniniń barlyq aýmaǵynyń 50%-yn alady. Oqytý tilderi – qazaq, orys jáne aǵylshyn. Fın oqytý ádistemesi negizge alynady. Daryndy balalar úshin memlekettik granttar qarastyrylǵan.
«Oqytý fın ádisi boıynsha ótedi. Bul oqytýdyń standartty júıesi emes, ol synı oılaýdy damytýǵa baǵyttalǵan. Jergilikti muǵalimder sabaq beredi. Olar sıngapýrlyq jáne fın mamandarynan taǵylymdamadan ótedi. Biz úlken jospar quryp otyrmyz – ár oblys ortalyǵynda jekemenshik mektep salǵymyz keledi», – dedi «King Developmen» JShS Bas dırektorynyń orynbasary Shyńǵys Ahanov.
«Qaraǵandyda mektepterge degen qajettilik joǵary. Qalanyń ártúrli aımaqtarynda jeti mektep qajet. Biraq sizder quryp jatqan segment bizde joq. Sondyqtan biz jobany iske asyrý kezinde jan-jaqty qoldaý kórsetýge daıynbyz», - dep atap ótti aımaq basshysy.
