Qaraǵandyda eski shına óńdeıtin kásiporyndaǵy órtti arnaıy poıyz sóndirip jatyr

QARAǴANDY. QazAqparat - Qaraǵandyda 1 myń sharshy metr aýmaqta eski kólik shınalary órtendi. Ashyq alańdaǵy órtti sóndirýge TJD-nyń arnaıy tehnıkasymen birge órt sóndiretin poıyz da jumyldyryldy, dep habarlaıdy QazAqparat Qaraǵandy oblysy TJD-synyń baspasóz qyzmetine silteme jasap.

«21 qyrkúıek kúni saǵat 19:28-de Karpatskaıa kóshesindegi órt týraly habar kelip tústi. Shıkizatty qaıta óńdeý jónindegi JShS aýmaǵynda 1 000 sharshy metr aýmaqta eski avtomobıl dóńgelekteri órtendi. Ǵımarattar men turǵyn qurylystarǵk qaýip tónip turǵan joq. Órt ashyq alańda shyqqan», delingen habarlamada.

Departamenttiń málimdeýinshe, oqıǵa ornynda 12 tehnıka júmys istep jatyr, TJD jeke quramynan 45 qyzmetkeri jumyldyrylǵan. Arnaıy tehnıka ishinde syıymdylyǵy 30 tonna avtotsısterna da bar.

Sonymen qatyr, syıymdylyǵy 100 tonna QTJ órt poıyzy jumys isteýde.