Qaraǵandyda eski kólikti kádege jaratý zaýyty ashylady
ASTANA. QazAqparat - Qazaqstanda alǵash ret eski kólikterdi kádege jaratý zaýyty salynady. Qurylys 2017 jylǵy tamyzda bastalady. Zaýyt jylyna 50 myń avtomobıldi óńdeıdi dep kútilýde, dep habarlady kolesa.kz.
Zaýyt ıtalıada shyǵarylǵan zamanaýı qondyrǵymen jaraqtalady. Ol saǵatyna 20-25 jeńil kólikti, bir aýysymda keminde 150 avtomobıl óńdeýge múmkindik beredi.
Zaýyttyń jyldyq qýaty - 50 myń kólik. Bul úderis keıinnen Qaraǵandy oblysynda jumys istep turǵan zaýyttarda óńdeý úshin tehnıkalyq suıyqtyqty aǵyzý, qorapty tyǵyzdaý, qosalqy shıkizatty jiberýdi uıymdastyryp, tolyq tsıkldy etýge múmkindik beredi. Qaıta óńdeý 90 paıyzdy quraıdy.
Eske salsaq, eski kólikterdi kádege jaratýdyń jeńildetilgen baǵdarlamasy Qazaqstanda 21 qarashada bastaldy. 30 qarashadan bastap elde paıdalanýdan shyǵyp qalǵan kólikterdi jınaıtyn pýnktter ashyla bastady. 2017 jylǵy 4 qańtarda Astanada baǵdarlamaǵa qatysýshylarǵa arnalǵan júlde oınatylady. Jeńimpaz jańa krossoverdi ıelenedi.
