Qaraǵandyda eski qala tarıhy týraly kınohronıkanyń tanystyrylymy ótedi
Kartınanyń negizgi bóliginde Qaraǵandynyń eń kóne tas qurylysy – Qazaq drama teatry jaıly baıandalady.
Fılmniń avtory jáne jasaýshysy – «Dıalog» janjaldardy sheshý ortalyǵy. Uzaq ýaqyt boıy onyń qyzmetkerleri qoǵamdy tarta otyryp, drama teatr ǵımaratyna sáýlet eskertkishi mártebesin berýge tyrysty. Munyń barlyǵy uzaqqa sozylyp ketkenin kórgen soń, olar máseleni basqa jolmen sheshýdi uıǵardy.
«Biz aldymyzǵa teatr ǵımaraty men sol ýaqyt týraly estelik sátterdi fılmniń kómegimen saqtaýdy mindet etip qoıdyq. Qaraǵandy, Almaty, Máskeý muraǵattaryna júgindik. Bir kezderi eski qalada turǵan adamdardyń áńgimelerin jınaı bastadyq. Bastapqyda fılmdi 20 mınýtqa josparladyq. Biraq, jańa aqparattardyń kelip túsýimen biz qazaq drama teatrynyń tarıhy Qaraǵandy, Qazaqstan, Keńes odaǵy tarıhymen tyǵyz baılanysty ekenin túsindik», – deıdi «Dıalog» JShO jobalar úılestirýshisi Ivan Savıtskıı.
Bir saǵatqa jýyq kınohronıka tańǵajaıyp faktiler týraly aıtady. Bir kezderi qazaq drama teatrynyń janynda aty ańyzǵa aınalǵan ushqysh Núrken Ábdirov turǵan. Ǵımaratpen keńes dáýirinde belgili jazýshy Mıhaıl Sholohovtyń, ǵalym Aleksandr Chıjevskııdiń, sýretshi Vladımır Eıferttiń esimderi baılanysty.
«Biz aqparat jınaıtynymyz týraly habarlama jasaǵan bette kóptegen pikirler aıtyldy. Tipti Avstralııada turatyn rejısser ıAn Vıtebskııdiń ózi bizge hat jazdy. Ol buryndary Qaraǵandyda turǵan, kenshiler qalasy týraly kóptegen fılmder túsirgen. Onyń aıtary kóp edi. Biz onyń barlyq áńgimelerin kınohronıkany daıyndaý barysynda qoldandyq», – deıdi Ivan Savıtskıı.
Fılmniń stsenarııin Kalınıngrad turǵyny Leon Kostevıch jazdy. Rejısser Máskeýden kelgen Konstantın Harlampıdıs boldy.
Fılm týǵan qalasynyń tarıhyna beıjaı qaramaıtyn barlyq qaraǵandylyqtar úshin qyzyqty bolady.
Premera 14 sáýirde «Saryjaılaý» kınoteatrynda ótedi. Kirý tegin, biraq tek aldyn-ala brondaý qajet. Keıinirek «Bizdiń jastyq shaǵymyzdyń teatry» fılmi «Dıalog» ortalyǵynyń YouTube-arnasynda jarııalanady.
