Qaraǵandyda esirtki tasymaldaýshy 12 jylǵa sottaldy
QARAǴANDY. QazAqparat - Qaraǵandyda esirtki tasymaldaýshyǵa 12 jylǵa bas bostandyǵynan aıyrý úkimi kesildi, dep habarlady Qaraǵandy oblysy qylmystyq ister jónindegi mamandandyrylǵan aýdanaralyq sotynyń baspasóz qyzmeti.
«Qaraǵandy oblysynyń qylmystyq ister jónindegi mamandandyrylǵan aýdanaralyq sotynda Shahabbas Veloevqa qatysty úkim jarııalandy, ol QR QK «Asa iri kólemde esirtki zattaryn ótkizý maqsatynda zańsyz satyp alý, tasymaldaý, saqtaý» 259-baby 3-bóligi «a», «v» tarmaqtary boıynsha aıyptaldy. Sot ony aıypty dep tanyp, qatań rejimdegi túzeý mekemesine jibere otyryp, 12 jylǵa bas bostandyǵynan aıyrý úkimin shyǵardy», - delingen habarlamada.
Tergeý materıaldary boıynsha 2014 jylǵy qyrkúıekte Qyrǵyz Respýblıkasynyń azamaty Sh. Velv belgisiz adammen iri kólemde zańsyz túrde esirtki zatyn Qaraǵandy aýmaǵyna kólikpen jetkizýge sóz baılasady. Zattyń jalpy salmaǵy - 40 keliden astam.
Úkim zańdy kúshine engen joq, apellıatsııalyq shaǵym berýine nemese narazylyq bildirýine bolady.
