Qaraǵandyda esirtki saýdasyn uıymdastyrǵan Cheshenstan azamatshasy ustaldy
ASTANA. Mamyrdyń 5-i. QazAqparat /Aıdar Ospanalıev/ - Ótken aptada respýblıkada 2 myń 59 qylmys jasalyp, onyń 1 myń 618-niń izi sýymaı ashyldy.
Sondaı-aq buryn jasalǵan 412 qylmys ashyldy. Qylmys jasady degen kúdikpen izdeýde júrgen 149 azamat ustalyp, 14 qarý tárkilendi. Bul málimettermen búgin jýrnalıstermen bolǵan brıfıngte Іshki ister mınıstrliginiń Til saıasaty jáne aqparat departamentiniń bastyǵy Qýanyshbek Jumanov tanystyrdy, dep habarlaıdy QazAqparat.
Apta ishinde respýblıkada esirtkimen baılanysty 26 qylmys tirkelip, olardyń 60 faktisi esirtkini tasymaldaýǵa qatysty bolǵan. Zańsyz aınalymnan 40 keli esirtki alynsa, onyń 2 kelisin geroın qurady. «Pavlodar qalasynda 34 jasar azamat ustalyp, onyń páterin tintý barysynda 15 kelige jýyq marıhýana, 12 gram gashısh tabyldy», dedi departament bastyǵy.
Onyń aıtýynsha, Іshki ister mınıstrliginiń uıymdasqan qylmyspen kúres basqarmasynyń qyzmetkerleri Qaraǵandyda Cheshenstannyń
46 jasar áıel azamatshasyn qolǵa túsirgen. Onyń eldegi esirtki saýdalaýmen aınalysatyn etnıkalyq toptarmen baılanysy
bar ekendigi anyqtaldy. Ustalǵan azamatsha esirtki saýdasyn uıymdastyryp, osyndaı áreketi úshin buryn sottalǵan bolyp shyqty. Al onyń úıin tintý barysynda qomaqty kólemde geroın men 1,5 mıllıon teńge tabyldy.
