Qaraǵandyda eriktiler UOS ardagerlerine azyq-túlik sebetin syılady
Qaraǵandylyq eriktiler muqtaj otbasylarǵa azyq-túlik jıyntyǵyn, gıgıena quraldaryn taratady. Sondaı-aq UOS ardagerlerine merekege oraı jemis sebetterin berip, quttyqtaıdy.
«Mamyr merekelerine oraı Saryarqa Jastary eriktileri oblystyq shtabynyń qoldaýymen, sondaı-aq «Halyq» qaıyrymdylyq qorynyń demeýimen Qaraǵandyǵa gýmanıtarlyq júktiń úsh túri keldi. Búgin biz olardy tarata bastadyq. Osy aktsııa aıasynda biz Qaraǵandynyń 1 500 turmysy tómen otbasyna kómek kórsetemiz», - deıdi Saryarqa Jastary oblystyq shtabynyń eriktisi Symbat Áýbakirova.
Aktsııa úsh kún ótedi. Oǵan 60-tan astam erikti qatysty.
Árbir otbasy 25 kılogramm azyq-túlik pen 25 kılogramm gıgıenalyq quraldar alady. Jınaqtar qoraptarǵa oralǵan.
«1 500 otbasyna arnalǵan osyndaı aýqymdy aktsııa bizde alǵash ret ótýde. Onyń bastamashysy men demeýshisi - almatylyq «Halyq» qory», - deıdi qalalyq jastar resýrstyq ortalyǵy janyndaǵy Qaraǵandy eriktiler shtabynyń úılestirýshisi Alena Frıbýs.
Sondaı-aq, 7 jáne 9 mamyrda Saryarqa Jastary oblystyq shtabynyń volonterleri ardagerlerdi quttyqtaıdy.
«9 regıon» taksıi men «Qostanaıshınservıs» fırmasynyń qoldaýymen biz qalamyzdyń 32 ardagerin quttyqtaımyz. Olarǵa jemis sebetterin, azyq-túlik jıyntyǵyn jáne gıgıena quraldaryn syılaımyz. Bul aktsııa eki kún - 7 mamyr men 9 mamyr aralyǵynda ótedi. Búgin, 7 mamyrda, biz Oktıabr aýdanynda 12 ardagerdi, al 9 mamyrda Qazybek bı atyndaǵy aýdanda 20 ardagerdi baryp quttyqtaımyz», - dedi Symbat Áýbákirova.
