Qaraǵandyda eriktiler ortalyǵy qurylady

QARAǴANDY. QazAqparat - Qaraǵandyda Dostyq úıinde eriktiler ortalyǵyn ashý josparlanýda. Qaıyrymdylyq qyzmetine kez kelgen adam qatysa alady, dep habarlaıdy QazAqparat óńir basshysynyń resmı saıtyna silteme jasap.
None
None

Volonterler tórt baǵyt boıynsha jumys isteıdi. Birinshisi – «Birlik» - áleýmettik. Bul qoǵamdyq-buqaralyq is-sharalardy uıymdastyrý jáne qatysý, muqtajdarǵa, múmkindigi shekteýli adamdarǵa, dúleı zilzalalar men apattardyń qurbandaryna kómek kórsetý, tarıhı eskertkishterdi qorǵaý jáne qalpyna keltirý jáne t.b.
«Bilim» - bilim berý baǵyty. Ol ár túrli pánder boıynsha tegin sabaqtar uıymdastyrýdy, Dostyq úıi janyndaǵy tilderdi oqytýdy, jetekshi mamandardan bıznes-trenıngter uıymdastyrýdy, mektep oqýshylaryn kásibı baǵdarlaý boıynsha jumysty, talapkerlerge JOO-ǵa túsý kezinde kómek kórsetýdi, tálimgerlik ınstıtýtyn tanymal etýdi jáne t.b. qamtıtyn bolady.
«Tárbıe» sporttyq baǵyty aıasynda eriktiler sporttyq-patrıottyq is-sharalardy uıymdastyrady.
«Kelisim» baǵyty medıatsııaǵa qatysty. Ol daýlar men qoǵamdyq-áleýmettik mindetterdi sheshýge kómektesedi.
Ár baǵyt boıynsha úılestirýshiler tańdaldy. Áleýmettik salaǵa «Jarasym» QHA jastar uıymynyń jetekshisi, «Jáńgir joly» QHA jastar qozǵalysy tóraǵasynyń orynbasary, Qazaqstan halqy Assambleıasynyń múshesi Tımýr Jumyrbaev jetekshilik etetin bolady.
Bilim berý baǵytyna «Qaraǵandy medıtsına ýnıversıteti» KEAQ komplaens-ofıtseri, «Dakııa» rýmyn mádenı qoǵamy» qoǵamdyq birlestiginiń jastar qanatynyń jetekshisi Aleksandr Ýrmashov jaýap beredi.
Sporttyq baǵytqa «Qazaqstan uıǵyr jastary odaǵy» RQB tóraǵasy, Qazaqstan halqy Assambleıasynyń múshesi Rýstam Qaıryev jaýapty bolmaq.
Medıatsııa baǵytynyń úılestirýshisi – Ásel Saılaýbaı, kásibı medıator, «Qorgau» halyqaralyq medıatsııa jáne kelissózder akademııasynyń prezıdenti.
Jasyna, jynysyna jáne qyzmet túrine qaramastan kez kelgen adam erikti bola alady. Ol úshin ótinimdi volonter_ank@mail.ru elektrondyq mekenjaıǵa jiberý qajet. Jumyspen qamtý kestesin eriktilerdiń ózi tańdaıdy.
Eriktiler ortalyǵynyń jumysy týraly tolyq aqparatty Dostyq úıinde alýǵa bolady. 17 qańtarda munda ashyq esik kúni ótedi.
Osyndaı volonterlik ortalyqtar qazir búkil el boıynsha Dostyq úıleri janynan qurylýda. Olardyń barlyǵy Qazaqstan halqy Assambleıasynyń jalpy respýblıkalyq biryńǵaı júıesine engiziletin bolady. Mundaı ortalyqtar jelisin «Jańǵyrý joly» belsendileri «SocialAssembly» respýblıkalyq forýmynda aıtqan QHA jastarynyń bastamalarynyń biri qalyptastyra bastady.


Сейчас читают