Qaraǵandyda er adamnyń kólikjaıynan 120 kelige jýyq synapqa uqsas zat tabyldy
ASTANA. QazAqparat - Qaraǵandy oblysy Іshki ister departamenti Uıymdasqan qylmysqa qarsy kúres basqarmasynyń qyzmetkerleri 47 jastaǵy qala turǵyny ustap, odan 117 kılogramǵa jýyq synapqa uqsas zat tárkilendi.
Bul týraly Qaraǵandy oblysynyń ІІD baspasóz qyzmeti habarlady.
«3-shi tamyz kúni Qaraǵandy oblysy Іshki ister departamenti uıymdasqan qylmysqa qarsy kúres basqarmasy qyzmetkerleriniń jedel izdestirý is-sharalary barysynda Qaraǵandy qalasyndaǵy kóshelerdiń birinde ornalasqan garajdardyń aýmaǵynda 47 jastaǵy azamat ustalyp, odan jalpy salmaǵy 117 kılogramǵa jýyq synapqa uqsas zat tárkilendi», - delingen habarlamada.
Búgingi tańda atalaǵan fakti boıynsha tıisti saraptama taǵaıyndalyp, Qazaqstan Respýblıkasy Qylmystyq Kodeksiniń 301-baby 1-tarmaǵy boıynsha sotqa deıingi tergep-tekserý amaldary júrgizilýde.
