Qaraǵandyda er adam 70 jastaǵy kórshisin belbeýmen býyndyryp óltirgen
ASTANA. QazAqparat - Qaraǵandy oblysynda sot zeınetker kórshisin óltirgen er adamdy 15 jylǵa bas bostandyǵynan aıyrdy, dep habarlaıdy «QazAqparat» HAA Qaraǵandy oblystyq qylmystyq ister boıynsha mamandandyrylǵan aýdanaralyq sotynyń baspasóz qyzmetine silteme jasap.
Qaraǵandy oblystyq qylmystyq ister boıynsha mamandandyrylǵan aýdanaralyq sotynda QR QK 99-baby 2-bólimi 3-tarmaǵy (adam óltirý) boıynsha A.-ǵa qatysty qylmystyq is qaraldy.
Іs materıaldary boıynsha, ishimdik ishken er adam 70 jastaǵy kórshisine baryp, ishimdik suraǵan. Birge ishimdik ishe otyryp, A. ózin jaısyz sezinip, edenge qusqan. Osy áreketi úshin zeınetker kórshisi oǵan balaǵat sózder aıtqan. Jábirlenýshiniń aıtqan sózderine namystanǵan A. ony óltirmek bolyp, shalbarynyń belbeýin sheship, ony moınynan býyndyryp óltirgen.
Sottyń úkimimen A. QR QK 99-baby 2-bólimi 3-tarmaǵy (adam óltirý) boıynsha kináli dep tanylyp, 15 jylǵa bas bostandyǵynan aıyryldy. Sondaı-aq, ol qylmystyq atqarý júıesiniń qaýipsizdigi joǵary mekemesinde jazasyn óteıtin bolady.
