Qaraǵandyda er adam 2 jasar qyzyn kepilge alǵan
QARAǴANDY. QazAqparat - Óziniń eki jasar qyzyn kepilge alǵan 34 jasar jigit, sábıdi birneshe saǵattan soń áreń bosatty, dep habarlaıdy QazAqparat tilshisi.
17 sáýir kúni saǵat 15.20-da 102 telefonyna 34 jastaǵy Qaraǵandy turǵynynyń óziniń 2 jastaǵy qyzyn kepilge alǵany týraly habarlama túsken.
Oqıǵa ornyna birden barlyq jedel qyzmet ókilderi jumyldyryldy. 4 saǵatqa sozylǵan kelissózder jáne polıtsııa qyzmetkerleriniń jedel uıymdastyrǵan operatsııalarynyń nátıjesinde 2 jasar qyz bala qutqaryldy.
Ustalǵan azamat polıtsııa bólimine jetkizildi. Operatsııa kezinde eshkim japa shekken joq.
Er azamatty osyndaı áreketke qandaı jaıttar ıtermelegenin anyqtaý jumystary júrip jatyr.
Atalǵan fakti boıynsha Qazaqstan Respýblıkasy Qylmystyq Kodeksiniń 261 baby 2 tarmaǵyna sáıkes sotqa deıingi tergeý amaldary bastaldy.
