Qaraǵandyda Energotıimdi ıdeıalardyń 3-inshi respýblıkalyq baıqaýy bastalady
Sharanyń maqsaty energııany únemdeý ıdeıasyn ómir normasy retinde nasıhattaý, energııany únemdeý jáne ekologııany saqtaý salasyndaǵy shyǵarmashylyq úrdiske jáne jumysqa halyqtyń belsendi bóligin tartý, qýat kózin únemdeý jáne olardy engizý boıynsha jańa ıdeıalardy izdestirý bolyp tabylady.
Baıqaýdy ótkizý ıdeıasy «Ergonomıka» JShS ǵylymı-óndiristik fırmasyna tıesili, uıymdastyrýshylardyń qatarynda BUU Damý baǵdarlamasy, "Qazaqstandyq turǵyn úı-kommýnaldyq sharýashylyǵyn jańǵyrtý jáne damytý ortalyǵy" AQ, Qaraǵandy oblysynyń ákimdigi men «Grundfos» (Avstrııa), «Danfos» (Danııa) jáne «Itron» (Frantsııa) kompanııalary bar.
QR Statıstıka agenttiginiń málimetterine qaraǵanda, Qazaqstanda turǵyn úı sektory bosatylǵan jylý energııasynyń shamamen 40 paıyzyn paıdalanady. Zertteýlerdiń nátıjesi boıynsha, 2010 jyly Qazaqstanda ǵımarattarda jylý energııasynyń shyǵyny jylyna 1 sharshy metrge 270 KVt-ty qurady. Bul eýropalyq ortasha kórsetkishterden - jylyna 1 sharshy metrge 100-120 kVt áldeqaıda kóp.
Sonymen qatar ysyrapshyldyq boıynsha respýblıka TMD memleketteri arasynda da kósh bastap tur. Jylýdy kóp qoldanýdyń negizgi sebebi - turǵyn úıdiń sapasynda. Turǵyn úı qorynyń tıisti emes qalypta fızıkalyq eskirýi kóppáterli turǵyn úılerdiń qajetsiz deńgeıde jylylanbaýyna alyp keldi.
Osyǵan baılanysty energııa tıimdilik máselesine selqos qaramaıtyn azamattardyń ıdeıalary mańyzdy bolyp tabylady. Bul baıqaýdyń belsendiligine negizdelgen.
