Qaraǵandyda energetıkalyq forým ótip jatyr
QARAǴANDY. QazAqparat - Qaraǵandyda energetıkalyq forým ótip jatyr. Qatysýshylar jańartylatyn energııa kózderin paıdalanýdy damytý perspektıvalaryn jáne «jasyl» tehnologııalarǵa kóshý máselelerin talqylaýda, dep habarlaıdy QazAqparat tilshisi.
Forýmǵa QR Indýstrııa jáne ınfraqurylymdyq damý mınıstrliginiń, Qaraǵandy oblysy ákimdiginiń, Qazaqstandaǵy BUU Damý baǵdarlamasynyń, «Atameken» Ulttyq kásipkerler palatasynyń, «Damý» qorynyń ókilderi, servıstik kompanııalardyń basshylary, bıznesmender jáne basqalary qatysyp jatyr.
Olar eki kún boıy jańartylatyn energetıkanyń aǵymdaǵy jaǵdaıy men damý perspektıvalaryn, Qazaqstandaǵy BUU Damý baǵdarlamasynyń energııa tıimdiligi salasyndaǵy bastamalaryn, «jasyl» sýbsıdııalar jáne jańartylatyn energııa kózderine baılanysty jobalardy birlesip qarjylandyrýdyń túrli quraldaryn sóz etetin bolady.
Forým baǵdarlamasyna sondaı-aq, energııa únemdeý salasyndaǵy jobalardy iske asyrý úlgilerin talqylaý, bıznes-keıster jáne jańartylatyn energııa kózderi salasyndaǵy jergilikti jobalardyń tusaýkeserin ótkizý engizildi.
Qatysýshylar úshin ınvestıtsııalyq jobalardy ázirleý boıynsha sheberlik sabaqtar ótkiziledi.
Uıymdastyrýshylar is-sharadan keıin Qaraǵandy oblysynda «jasyl» tehnologııalardy qoldanýǵa múddeli kásipkerler sany artatynyna úmitti.
